أتخيلو البنات يخطبون العيااال واي واي واي

تخيلوا البنات يخطبون الأولاد (( قصة حلوووه ))
المهم .. تخيلوا البنات يخطبون الاولاد!! ((يتكلم مع ولد))
ب_يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السيسي الابيض..
الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ ....
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي (والله عيب بس ابكمل)
تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس ابكمل)
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس ابكمل)
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه (وعععععع)

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ يلولش (يزغرط بالمصري)

لللللللوووولللللوووووشششششششش مبروك يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي ؟؟؟؟؟؟؟؟؟؟؟؟؟؟؟
ههههههههههههههههههههههههههههههههههههههههه


ــــــــــــــــــــــــــــــــــــــــــــــــــــــ
دمتم بألف خير ــ***,,,,,
ـــــــــــــــــــــــــــــــــــــــــــــــــــــــــــــــــــــ

ههههههههههههههههههههههههههههههههههههههههههههههههههههههههههههههههههه

من جد بطنيع عورني من الضحك بس لما تخيلت الرجال مدري الرجاله يركض مستحي والشماغ على الراسه وه بس الله يقطع شرك على هالموضوع
على فكره بيصير بس 2030 خخخخخخخخخخ عاد تشوفين الشباب وقت الزواجات مايدرون وش يسوون وانواع الطلعات بالغلط على البنت اللي يبيها تخطبه خخخخخخخخخ بس اكيد البنات راح يحاولون يخفضون اسعار المهور والشباب بيرفعونها عناد فيهم ورد لحركاتهم اول

بس يالله عسانا نتزوج قبل يصير كذا



يسلموووووووووووووووووووووووووووووووووووو

ههههههههههههههههههههه قصه حلووه مرررررره بس تخيلي بالله هههههههه من جد كان الحين وحده تدق الباب تبي تختبني خخخخخخخ

يسلمووووووووو ع القصه وبارك الله فيك

ههههههههههههههههه من جد القصه على قولة الولد اللي فيها واي واي
تخيلوا عاد يصير هالشي
مشكووووره حياتي تقبلي مروري

أهم شي أنكم ضحكتو وتخيلتو وتخيلتو انه يسير كذا ههههههههه

مشكووورين على مروركم الجميل